|
مثل ما يساق العود الازرق على الجلاس اسوق السلام لكل واحد يتابعني سلام الوفا والطيب والعز والنوماس سلام ٍ يعم اللي عيونه تطالعني |
الله يمسي راعي الطيب بالخير ويجعل مساء اهل الطناخات فله اللي لهم بالقلب حشمة وتقدير مكانهم عندي رفيع محله على دلال بالمحبة مباهير في مجلس راعي الغلا مايمله |
كل شيء يملك فآيده في زوآياه
حتى آلخطآ .. خيره يبآريه شـره خطآ .. يعلّمك آلصوآب و مزآيآه وخطآ يعلّمك آلخطآ .. ألفّ مره |
إغتسل واغسل ملابسك وتطيب
وإتجه للجامع المعمور بدري إستغل الوقت مادام انت طيب السلامه لامتى..من عاد يدري |
أصحابي اللي غدو مني وانا ساهي
يبغون سجدة سهو ماني بساجدها خلان لعب البلوت وكاسة الشاهي غيابها عندي أطيب من تواجدها |
احـفظ لسـانك عن عـروض المخـاليـق
وإستغفر الله كل ما أصبحت وأمسيت يزيـل عنك الـهم والحـزن والضـيق ويعطيـك كل اللـي طلبت وتـمنيت |
اضحك ترى الدنيا على الكيف ماجات لا بــد مــا تصفــى وتونس رغــدها والنـاس لو تلحق لشخـصك ملامات طنش وخل أهل الحسد في حسدها |
تدري وش اللي يعتبر عندنا عيب
واكبر خطا فالوقت واعظم جريمه بعدك عن اللي يحتمون المواجيب وقربك من اصحاب الحسد والنميمه |
لا تاكــلك كثر الحسايف على شيّ
الرزق بِيد الله مثل منت شـــايف / دامك/بخير/وتاكل/وتشرب/وحيّ مافيه شيٍّ يستحق الحسايـــــف |
الوقت مايرحـم ولافيـه مرحوم مـن لايـدل الـدرب ماحـدن يدله لوصحت باعلى الصوت وتقول مظلوم حطولـك الحسـاد سبعين عله |
| الساعة الآن 10:48 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab