|
اقتباس:
إذا ما ناقشت هذا الموضوع في المنتدى وين أناقشه ؟ مستحيل أقول لأحد من أصحابي لأن الموضوع سمعه لها ولأهلها وبنفس الوقت مستحيل أقول لأهلي .. يعني ما عندي مكان ثاني أناقش فيه أحد وهذا أفضل مكان واخترت منتدى الشيخ لأن الناس هنا إن شاء الله فيهم الخير والبركه .. |
اقتباس:
أوقات أقول ليتها تابت بدون ما اعرف شي كان هذا الصح لكنها ما تابت إلا لما اكتشفت ولما طلقتها حسيتها فعلاً حست بحجم المشكلة ولو أدري إن الأفضل الطلاق أو استمر معها ما كان كتبت المشكلة بس أنا بكل فترة أحس بشعور الطلاق ومرة بشعور الاستمرار |
اقتباس:
|
لاحول ولا قوه الا بالله
اخي احسم امرك واتخذ قرارك والله يكتب لك اللي فيه الخير يارب ويبعد عنك كل مكرووه اسأل الله ان يفرجها عليك وعلى كل مسلم مابعد العسر الا اليسر بأذن الله لكن الصبر ثم الصبر انه مفتاح الفرج |
اخي الكريم حسب كلامك انك تريد الاجر وهذا اختيار سليم ويبدو انك حائر في امرك والطلاق يسبب لكم مشاكل وقد تعود بعد الطلاق لانها يبدو لي لا تستند لقاعده اسلامية والتربية تكون منذ الصغر اما الكبر فهي مجرد توجيه
الانسان ماهو الا كتلة مشاعر قد يقع بالخطأ ويعود عنه حاول ان تبدأ حياة جديده معها وقوي ايمانها بالنصح والتوجيه ولا مانع بالحرص خصوصا هذه الفترة وان اثبتت لك حسن توبتها فسامحها وحاول ان تنسى اما اذا شعرت انها لاتصلح وانها عادت فانصحك بالتسريح باحسان واهلها مسؤلين عنها بعد ذلك ولكن احببت ان اعود لموضوعك وتمنياتي لك بالحياة السعيده عليك بالدعاء والاستغفار اخر الليل واغتنم شهر رمضان بالخيرات |
الله يثبتها على الايمان
ويخليكم لبعض يارب اخوي نصيحة لا تخلي الشيطان يدخل بينكم وربي الشيطان هدفه انه يخرب بيوت الناس ويفرق كل زوجه عن زوجها . صدقني زوجتك عرفت غلطها وماراح تعيده ثاني ، ومحد معصوم من الخطأ ، كلنا ذو خطأ فمن منا لم يخطئ فليس عيبا ان يخطأ المرء ولكن العيب كل العيب ان يتمادي ... كل بنو آدم خطاء وخير الخطائين التوابون ... صح صعب عليك النسيان في البداية ، لكن انت حاول انك ما تفكر بالسالفه مره ، وحاول كل ما تتذكر تستغفر وتطلب من ربي انو ينسيك ويزيد حبكم لبعض ويخليكم لبعض .. اتمنى لكم التوفيق تحياتي |
اخوى من شب على شئ شاب عليه
اقترح عليك اقتراح فيه راحة لك وارضاء لضميرك ... ابتعد عن زوجتك لفترة ولتكن اسبوع اذهب فيها لمكة اعتكف في الحرم وصلى كل ليلة صلاة الحاجة والاستخارة ... وسوف ترتاح نفسيا ,, وثانيا / فترة اختبار لزوجتك لانه ستكون لوحدها فلو تابت فعلا لن تتصل باحد وان لم تتب فعلا وكانت تمثل عليك ستعود لاتصالاتها بمجرد بعدك.. في الحالة الاولى احتفظ بها في الحالة الثانية انت تعرف ماتفعل ... الاختبار الحقيقي لتوبتها هو بعدك لفتره عنها حاول ان تقلل اتصالاتك بها خلال هذه الفترة .. قبل ان تذهب لمكة اعطها الامان واشعرها بان كل شئ انتهى من نفسك ... فلوكانت على حالها القديم ستستغل الوضع مع الامان للعودة لما كانت عليه .. تمنياتى لك بان يلهمك الله الحل عاجلا غير آجل.. |
اقتباس:
اخوى العمل شئ مختلف جدا لايترتب عليه نسب واولاد ولاتنسي الشيطان شاطر...... |
اقتباس:
اخوى انت انسان عاطفي لين ... انت ماتعرف البنات .. بقلك شئ / البنت لما تحب شخص استحالة تفكر في غيره ولو تفكير حتى بينها وبين نفسها .. زوجتك كلمت حبيبها السابق مامر على زواجكم شهر صدقنى اخوى واقولها لك بثقة هذى ماتحبك الحب الصادق .. حبها لك مجرد حب تعويضى لحب قديم او مجرد اشباع رغبة حبها ما لامس قلبها ولاوجدانها ... ولاتغرك الكلمات المعسولة .. انا اعذرك لانك لسا عريس والايام الاولى في كل شئ لها طعم غير لكن المتزوجين اللى بدوا صح بعد سنه سنتين بصير مشاكل بيهم .. لانه نكهة الشئ الجديد راحت ... انت عايش هذى الفترة الى يكون فيها كل شئ حلو اول ماتمر الايام ويجوا الاولاد وتتعقد الحياة راح ينعاد الموضوع من جديد .. مسالة انك تكسب الاجر انت ان شاء بسترك عليها كسبت الاحر اما تحتفظ فيها لمجرد الرحمة والشفقة فصدقنى انا لو كنت مكان زوجتك وحسيت انه زوجى ماهو عايش معايا الارحمة وشفقة كان سبته ... شئ تانى اخرى الكريم فيه قصة المراءة الت طلبت الطلاق من زوجها في عضر الرسول عليه الصلاة والسلام لمجرد انها لاتحبه .. هل ابقاه الرسول مع زوجها ام طلقها اعتقد اننك تعرف الجواب .. |
يا اختي ربيع الحلم
وش ذا الكلام الله يجزاك الجنه قولي خير اختي ترى الناس يفرقون عن بعض اصابع يدك مو زي بعض وش ذا المنطق لا تشككين الرجال في حب زوجته له بس يمكن الظروف كانت ضدها يمكن كانت غافله ومن منا لايغفل ولكن يرجع ويصحح اخطائه الله يهديك ياربيع الحلم لاتطبقي شخصيتكك على غيرك |
| الساعة الآن 12:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab