|
قال الذي يلعـب بيـوتٍ فصيحـه من ضيقته يلعب حسينات الامثـال يالقلب انا ابهدي عليك النصيحـه هرج القفا بالك تحطه على البـال ما اشوف به كود العنا والقميحـه من بين غادين الجدا قال ما قـال ناسٍ يحسبـون النميمـه مديحـه وهي توصف من خبثات الاعمـال زلة صديقك لاتجـي لـك نحيحـه لو كان عايل قل حشا اليوم ما عال |
العاقل اللي يفهـم الضـرّ والسّـر ولا يرتكب عسر المراقي عشاقـه لا شفت مالك مصلحـة لا تخسّـر ان كان مالـك بالخسـارة لياقـه |
كثر الحسايـف مابهـا راس مالـي واللي مـن الله مالنـا فيـه مدخـال صبـرٍ جميـل الله يقـود الرجـالـي بالصبر والغفران في يـوم الاهـوال في ساعـةٍ ماغيـر ظلّـة ظلالـي يجعل لنا عنـد اهـل الخيـر منـزال وإن كان وقتي مامشى فـي عدالـي يا من شكيت من الدهر مثلك امثـال |
الرجل مرسدس في عزمه متين لو وصل تسعين شدة مصنعـه والمره لا من تعـدت اربعيـن كنها الهونداي تبـدا القربعـه |
صليت بالجــامع وسبحت تسعين
مع كثرهن واتبعتهن بتهليله وقريت عـمّ والمـــدثر وياسين ادخل على الله مايخيب دخيله وقريت وِردي عن جميع الشياطين وشبيب ماسوى به الورد حيله |
لي قصةٍ مع صاحبي فلــم هندي
دايم انا ويّاه فـ هواش ودموع ودّه يســامرني على تيس مندي وانا رقيقه ودي بازهار وشموع خلّي غبي والعقــل عنده مصدّي وبفن التخلف حايزٍ شكر ودروع قلت له تطـور عيش باشا وافندي الى متى وانت بتخلفك منزوع قـام وتلفّت قـــال قومي تغدي هذرتك واجد يوم انا ميتٍ جوع |
ياقطو ياللي منسدح في البراميل
ماشفت منهو اليوم كب الزباله افنس خنس والساق كنه محاحيل. .وارد جاكرتا في عيونه حواله |
قوم جورج وجـون واعينهـم زغـر مـا تعـرف لترجمتـهـم بالـكـلام عنـدهـم الأم سمـوهـا (مــذر) والأبـو (فـاذر) قليليـن الـرحـام وال( بَدي) جسمك وترى (باك) الظهر واليدين (الهاندز) وال (الفِنْقر) ابهـام والغنم هي (شِيب) وال(كـاو) البقـر واللحم (مِيـت) وال (بـون) العظـام والدجاجة (هيْن) وال(هوك) الصقـر وال(ببجْن) قالوا ترى اسـم الحمـام وشمس ربي (صن) وال(مون) القمر والشهر سموه (مَنْث) و (ييـر) عـام والدقيقـة (مِنـت) والسـاعـة (أور) و(هولدي)عطلـة و(ديـوتـي) دوام وال(برد) الخبـز والسكـر (شوقـر) والعسل(هني) و (سُوب) اسم اليـدام والشجر (ترِيز) والنهر اسمه (ريفر) والسما (سكاي) و (كلاود) هي الغمام والنجوم (ستارز) و الطقس ال(وذر) والضوا (لايت) و (دارْك) اسم الظلام وكلمة(فلاور) ترى تعنـى الزهـور وكل عشب (قراسْ ) لو انـه رمـام والرمل هو (سَانْد) و( سْتون) الصخر والحديدال(مِتـل) وال(ولـدر) لحـام وكل غرفة (رُوم) وال(هاوس) القصر وباب بيتك (دوْر) وال(رُوف) الطمام ولـو علـى بلدانهـم دايـم مـطـر ما تسـاوي ديـرة العـرب الكـرام |
يامرحبا بك عدد ماطار تمسـاح او عدد ماتنقش سنون النعامـه او عدد مايزعل على الموز تفاح وعداد قشر في بعيـر وسنامـه او دب امعط لابغى يطير ماطاح الا بجـرف بعيـد ولا عدامـه والا خروف دايم الـدوم نـواح ضيع ثغاه وجاب صوت الحمامه على عشير كـن زولـه لاراح كنغر وشكله مايعرف الوسامـه ماشافني وانا مع السـوق رواح صد وتركني بين شبه وعلامـه |
يقول شـو بـدك وانـا اقـول بـدي افرك خشمـك ياعشيـر النسانيـس قال: اوعى ...اوعى قلت توعى لجدي شايب ولكنك حمـر... ول ياابليـس صد وشتـم انـت البسينـا وعنـدي إلك مصيبـي هيـك أد البحـر ئيـس قلت ايه اقيس انك تبي دبـل كبـدي مير تخسى قال : وعم تسب ياتيـس وش عرفه بالتيس وماادري ويمـدي لارحت زحله اعرف اش مقصد الهيس |
| الساعة الآن 9:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab