|
ناسٍ تودك همها بس ترضيك وناسٍ على الزلات ودها تهدك ناسٍ تقص الحق يمك وتعطيك وناس تحكم الحكم كله ضدك |
جرى الدمع من عيني وانا اشوف بعض الشوف
................وحدّثت نفسي لكن النفس تجفاني علام البشر بعض البشر تنكر المعروف .........وتكثر هروج(ن) حين ذا الهرج مجاني اذا صار بعض القول يضفي عليك وصوف ..........على غير مدلول(ن) وفي القول بهتاني خصوصاً ليا من جاك من واحد(ن) معروف ..............تشّره عليه وينعقد لومه لساني تعوق الفتى الشيمه يعاف الخنى المعيوف ..............ومن يركب العليا عن الدون شيماني سلام(ن) على رجل(ن) ليا اخطى ولو بحروف ................يعرف الخطا ويقيّد الشين بعناني سقا الله زمان(ن) يبعد الزيف والمزيوف ........... وضوح النقا هو مسلك القاص والداني |
تـصـادفــت فـالـحـيـاه ظــــروف تـــفـــاوتـــت فـــــــــي مــرامــيــهـــا والمكسب اللي نرى ونشوف خـســارتــه غــصـــب نـجـنـيـهــا |
ياسيـد نبـع العطـا عـامـر اجمل صفـات الكـرام نـرز بالعلـم نـزرع شجـر ثامـر والفتنة تهدم قصور العز |
عجزت فيك اعلمك ماتعلم
انصحك واعلمك ماكني انصحك ! |
مآت الحيآ وآلمرجله ..دمهآ سآح ..
كلن كشف ..عن سوء نية ..دفنهآ دآمه ..زمن عقرب , وحية , وتمسآح خل الأسود .إتنآم ..مآهو زمنهآ |
يابنت بالك لا يغـرك شياطين .حـذراك لايغـرك كـلام الذيابـه يقول أحبك وأعشقك موت تدرين أموت بك ياشوق شـوق الكتابـه ويقصلك قصت حياة المحبين يقول أحبـك وانتظـر منـك أجابـه ويفرشلك الورد الحمر والبساتين ويعطيك من حلو الكـلام بذرابـه والله يخسي ولد المطي لا تصدقين ملعون خايب يخزن السم نابـه تكفين ثم تكفين يابنـت تكفين لاتدنسيـن اسمـك ومنهـو وفابـه أخوك لامنه قعد بالدواوين يقعـد وراسـه فـوق فـوق السحابـه يابنت والله سمعتك فوق الاثنين سمعتك من سمعة عرب لك قرابـه سمعتك ثم سمعتك تسوى ملايين ثم سمعتك ثم سمعتـك والمهابـه وأن قال أحبك أفهمي وش تردين قولي المحبه بالردى لـي معابـه وقولي له أهلي بالملاقى سلاطين ودرب الدنس ياورع محدن مشابه هذا كلامي وقولي اللي تقولين (( اللي يبيك يدل بيتـك وبابـه )) |
ياليل وش حدك على صدري وانا صدري شتات كنك تناول طـارف ضلوع الشقـى وتشبهّـا كن الزمان يشب في صدري وانا مالي سـوات الا انـي اشـرع ضلوعـي للهبـوب تهبـهـا |
اعمل وأنت من الدنيا على حذر
واعلم بأنك بعد الموت مبعوث اعلم بأنك ما قدمت من عمل محصي عليك وما خلفت موروث |
حسب الكذوب من المهانة
بغض ما يحكى عليه فإذا سمعت بكذبة من غيره نسبت إليه |
| الساعة الآن 9:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab