|
الحب شيءٍ مايقدر بالأثمان
يشعر به المخلص لقلبه هديه لإنه يجي فجأه على قلب الإنسان ويولد معه إحساس مافيه زيه |
بعض الكلام اسرار لاصار تلميح مثل المعاني ،،،، بالقصايد غريقه وبعض السكوت طعون من غير تجريح تكشف خفايا الناس لوهي عميقه |
خلك ثقيل وخل كلآمك بـمقيآس ....... مآ كل من يسمع همومك فزع لك بعض البشر من حبهآ تقول لآ بآس .......وبعض البشر من حقدهآ تبتسم لك! |
يالله عفوك كل ماضاق بالي
وياللهَ حلمك كل ما أصبحت وأمسيت ويالله صبرك من ضيقات حالي ويارب قوهَ كل ما أدبرت وأقفيت |
لا تكره الدنيا ولا تلعن الناس
للحين فيها ناس مثلك نظيفة وكانك تفكر وين تقدير الإحساس ؟ غيرك يفكر وين يلقى وظيفة ! |
هيــــــــــه يـــاذا الــوقـــــــــــت وش باقــــــــي بـعـــــــــد
وش بقـــــــــــى مــــــــن حيــــــــلة (ن) تحــــتـــالـــهــــا هـــــــــات مـــاعـــنــــدك ولاتـــــذخـــــر جـــــهـــــد الــــمــــصــــايـــــب مـــاخـــلـــقــــنــــا الا لـــــــــهـــــــــا امـــــــس يـــــــوم الــســـبـــت والــــيــــوم الاحــــــــد هــــــــاكــــــــذا الـــــدنــــــيــــــا وذا مـــــوالــــــهــــــا مـــــــــــن خــلـــقـــهـــا الله مــــــادامــــــت لــــــحــــــد كـــــــــــل خـــــلــــــق الله تـــــحــــــث رحــــالــــهــــا والـــبـــقـــى! لـــلـــواحــــد الـــــفـــــرد الـــصـــمــــد والـــبــــشــــر تـــفــــنــــى وتــــبــــقــــى امــــالــــهــــا والــســـعـــيـــد الــــــلــــــي يــــــوفــــــق لـــلـــســـعـــد وكـــــــــل نــــفـــــس(ن) مـــوكـــلـــه بــعــمــالــهــا مـــــــــن لــفــالــيـــف الـــمـــهـــد لــــيـــــن الـــلـــحــــد مـــــحـــــصــــــي(ن) ارزاقــــــــهــــــــا واجـــــالـــــهــــــا يــغــفــرالــســيّــات لــــــــــــو مــــــثــــــل الــــــزبــــــد ويـــــجـــــزي الــحــســـنـــه بـــعــــشــــر امــثـــالـــهـــا |
قناعتنا ترى تحفظ لنا الهيبه بكـل إكبـار واذا منّا تركناها جنينـا الهـمّ والهونـه ولو كلٍ على لحافه يمد الرجل في مقـدار لعاش العمر في راحه ولا يهتـم بديونـه ترى ذل لغير الله طريقه يعمـي الأبصـار فلا أحدٍ راحم من يرتمي للناس يرهونـه لاجل دنيا قصيره تنتهتي ماتعطي الإنـذار يلف بخرقه ويدفن ويترك عالي حصونـه ولا ينفعه غير اللي فعل في مجمل المشوار يلاقي كل اعماله على الميـزان موزونـه |
معادن الناس تظهر لابدت شده احدٍ اصيلٍ واحد في معدنه داني |
من كان بيته مـن قـزازٍ يحـاذر لا يرمي بيوت بالمـلا بالحجـاره ومن سهر تال الليل والعقل خـادر فلابد ينضح ماخفـى مـن دثـاره ومنهو مشى في ليل من خلف ساتر يجهره نور الصبح يكشف ستـاره درب الزلق ممشاه فيـه المخاطـر ومن لاحسب لخطاه ماوصـل داره فما كل من نشـن فصيـاد ماهـر ولا كل من ركب الفرس قاد غـاره خذها نصيحه كـان بالعقـل ظافـر وابعد عن الشبهات واهل الدشـاره فمن طاوع اللي في المذات سـادر يصير مثله في الـردى والحقـاره يطمع به اللي عارفٍ بـه وخابـر ويمكن على بيتـه ينشـن عيـاره |
لا من لقيت اللي تحسه بوجهيـن فاصبر تلاقي لـه وجيـهٍ كثيـره حبل الكذب لو طال يقصر بعد حين وكم جرةٍ تكشف دفيـن السريـره فكم واحدٍ يعجبك حرصه على الدين ولا من سمعته قلت ياحـي طيـره وفي لحظةٍ تكشفه من غير تخمين وتدري بأنه ما يسـاوي شعيـره شخصيةٍ تجمـع نفـاقٍ وتلويـن وكذبٍ وغيبه فالأمـور اليسيـره مثله خطر فاحذر تلاقيـه بالزيـن ولو شفت منه الضعف ليّا تجيـره من لاحكمه العرف والعقل والديـن ابعده عن دربـك ولا تستشيـره |
| الساعة الآن 5:20 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
TranZ By World 4Arab