منتديات موقع بشارة خير

منتديات موقع بشارة خير (https://www.22522.com/vb/index.php)
-   منتدى الشعر والنثر (https://www.22522.com/vb/forumdisplay.php?f=32)
-   -   سجل دخولك ببيت شعر ....هنا ....نبض متجدد .... (https://www.22522.com/vb/showthread.php?t=82201)

حامد نوار 2014-02-10 10:49 PM

اشوف وقت اختلط بالزين والشيني
يودع ضعيف العقل يضيع بالمـــره

تداول ايام بين النـــــــاس وسنيني
والعــــــاقل اللي يميز خيره وشره

من لأعتصم في حبال العـز بالديني
يعيش عيشة قهر ويموت في حسرة

حامد نوار 2014-02-11 8:59 PM

كبريائي في الغلا ماهو تسلي
ندرة الاشياء اعشقها وابيها

مااداني امتلاك الحاجة اللي
كل واحد يقدر يحصل عليهاا

حامد نوار 2014-02-11 9:00 PM

الوقت يمشي والمخـاليق سالين
والعـمر ينقـص والمنايا تجرره

والموت بغته يلقط أرواح لاهين
ويبقى العمل مابين خيره وشره​

حامد نوار 2014-02-11 9:02 PM

مـصـايـــبـنـا ... لـنـا مـثـل الـمـلاهـي
قـبـل لا تـبـتـلـيـنـا // نـبـتـلـيــهــا

نـجـيـبـهـا كـنـهـا / دلـه,, وشـاهـي
ونـشـربـهـا ... و نـطــلـب مـا يـلـيـهـا

حامد نوار 2014-02-11 9:10 PM

من البديهيات في علم الإحساس
اللي يعرف يغيب مايعرف يحب

حامد نوار 2014-02-11 9:12 PM

نمشي على وضح النقا من نقانا
وراعي الدسايس لاظهر ندفنه حي

ناخذ ونعطي في الوفا من وفانا
لاطاحو اللي من الوفا مالهم شي

حامد نوار 2014-02-11 9:15 PM

اديرظهري للعقول الصغيره
واسيرفي دربي ولاكانهم حد
الخيرليته شي نقدر نعيره
عشان نعطي من ملى قلبه الحقد



حامد نوار 2014-02-11 9:17 PM

السم لو انك شربتـه على الريق
أهون من سموم الخوي والأقارب

وسم القريب إن جاك ف حزة الضيق
يذبـح مثل سم(ن) رمته العقارب



حامد نوار 2014-02-11 9:21 PM

الرفيق المهجن رفقته عله
لابس لي عباة الود مقلوبه

لو يجامل معي والكره مشتله
المحردب تشوف الناس حردوبه

والشجاعه رجوله والردى ذله
لا تحن الحصان إلا من ركوبه

يارفيق يحد السيف ويسله
كل ما أقفى رفيقه حش عرقوبه

رفقة مالها مذهب ولا مله
يالله العفو والغفران والتوبه


حامد نوار 2014-02-11 9:23 PM

ليت كل الناس بأوصاف الغيوم
لا سـواد و لا نفـاق و لا ريـا

تسكب الامطار من فوق الهموم
و تنثر الدمعه على شـان الحيا..!



الساعة الآن 8:24 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd. TranZ By World 4Arab

Ads Management Version 3.0.1 by Saeed Al-Atwi

جميع الآراء والتعليقات المطروحة تمثل وجهة نظر كاتبها وليس بالضرورة وجهة نظر الموقع وللأتصال بالدكتور فهد بن سعود العصيمي على الايميل التالي : fahd-osimy@hotmail.com