المشاركة الأصلية كتبت بواسطة اللهم سهل امري (المشاركة 1840335)

الغلط مو شرط ابدا يكون جريمة اشرف .. قلتلك انا كنت اسمع اغاني وافكر في القتل وافكر في الانتحار على اقل سبب هذي كلها اغلاط ندمت عليها اشد الندم وعانيت اني انا سويت هذا الشي وكمان عانيت لاني مثلك بريئه وكنت اصدق اي احد الين ما اخدت علقة جامدة على راسي من وحدة تقرب لي لاكن هذا مو معناه انه كل الناس اشرار او كل الناس كذابين اذا الي انا انصدمت فيها وحدة كذابه زي ما انا وانتي طيبين وبريئين في ناس كمان زينا

فهمتك انا بقلك برضو امي ما عمرها قالت لي حبيبتي
ودايما طلبات اخواني في المقدمة
لاكن اذا اهلي ما يحبوني ما كان قعدوني في البيت كان زوجوني بالغصب لاول شخص يتقدم حتى لو كان مجرم واهلك لو ما يبغولك الخير ويحبوكي ما كان خلو القرار الاول والاخير لكي في الزواج وانك تقدري ترفضي او تقبلي ولا كان كملتي دراستك وصرتي مدرسة ماشاء الله عليكي

اقراي المقطع الاخير من ردي الطويل لانه يمكن يساعدك
وكمان انتي ماشاء الله موظفه
اي كلام تسمعيه ما يعجبك دخليه من اذن وطلعيه من الاذن الثانيه واقعدي دلعي في نفسك
واشتري الي تبغيه

المشاركة الأصلية كتبت بواسطة ربيع الحلم (المشاركة 1839607)

اكيد كان فيه كلام مكان النقاط

المشاركة الأصلية كتبت بواسطة اللهم سهل امري (المشاركة 1840433)

عااادي تحصل كثير ولا تشيليها في بالك
يعني الحين هو الي كان مستاهلك احسن تلاقيه ما كان فيه خير لكي عشان كدا راح

المشاركة الأصلية كتبت بواسطة اللهم سهل امري (المشاركة 1840449)

طيب اذا انتي كلمتيها يعني حكيتيها ايش يصير معاكي في الجامعه وكدا تسمع لك ؟؟